Vinsent. Афіцыйны вэб-сайт

Кліп “Восеньскі вальс” знаходзіцца ў ратацыі MTV, БелМузТБ, Першага музычнага каналу (ВТБ). Каб замовіць кліп на Першым музычным канале, трэба даслаць смс з тэкстам 7861 на нумар 1771 (кліп трансьлюецца ў Менску), на нумар 2771 (кліп трансьлюецца ў астатніх гарадах і мястэчках). Каб замовіць кліп з гарадзкога тэлефону, трэба патэлефанаваць на нумар 166 і назваць код кліпу Vinsent “Восеньскі вальс” (7861). Прыемнага прагляду!

Гледачы паставілі кліп Vinsent “Восеньскі вальс” на першае мейсца па выніках тыдня на тэлеканале АНТ!
ГЛЯДЗЕЦЬ ВЫНІКІ ГАЛАСАВАНЬНЯ

На сайце АНТ праходзіць галасаваньне за Лепшы кліп тыдня. “Восеньскі вальс” чакае на вашую падтрымку ТУТ.

Кліп Vinsent’а “Восеньскі вальс” быў прызнаны лепшым кліпам году на цырымоніі Streetawards 2009, што адбылася 5 лютага ў R-club. “Восеньскі вальс” атрымаў ратацыю на тэлеканале MTV.

Vinsent прадстаўляе свой новы кліп на песьню “Восеньскі вальс”. Па вэрсіі прэміі “Кліп-марафон” “Восеньскі вальс” стаў лепшым кліпам 2009 году. Здымкі праходзілі ў Менску. Галоўную ролю выканала Лэйла Ісмаілава, вядомая таксама па здымках у рэклямных роліках буйнога мабільнага апэратара. Ролю міма выканаў Арцём Гуцулюк. Vinsent: “Мне спадабаўся рэзультат, які мы атрымалі. Над кліпам працаваў прафэсійны тандэм, у прыватнасьці, рэжысэр Аляксандр Меліхавец і апэратар Дзьмітры Карначык. Акцёрам прыйшлося нялёгка, бо было даволі халоднае надвор’е, а апранутыя яны па сцэнару лёгка. Затое цяпер усе задаволеныя фінальнай вэрсіяй кліпа.”
Прэзэнтацыя кліпу “Восеньскі вальс” на ТБ: тэлеканал АНТ, 7 лютага, 11:40, праграма “Ранішняя пошта
Плянуецца, што наступны кліп Vinsent’а будзе зьняты на новую песьню “Час прыйшоў”.
Выказваем удзячнасьць хіп-хоп краме “Infinity”.
Спампаваць кліп Vinsent “Восеньскі вальс” (DOWNLOAD, 14 mb)

21-га снежня скончылася народнае галасаванне прэміі “Кліп-Марафон-2009″. Паводле галасавання кліп Vinsent “Восеньскі вальс” стаў абсалютным пераможцам, набраўшы 58,2%. А мы тым часам чакаем, пакуль афіцыйная вэрсія кліпу зьявіцца на тэлеканалах!

Карты раскрываюцца. Менавіта песьня “Восеньскі вальс” атрымала сваё відэаўвасабленьне. Нягледзячы на тое, што афіцыйнай прэм’еры кліпу яшчэ не было, відэа стала намінантам на прэмію “Кліп-марафон”. Плянуецца, што прэзэнтацыя кліпу адбудзецца ў сьнежні 2009 на тэлеканалах і на www.vinsent.org. А пакуль што вы маеце мажлівасьць прагледзець кліп “Восеньскі вальс”. Калі вам спадабаецца, галасуйце за кліп штодзённа. СТАРОНКА ПРЭМІІ “КЛІП-МАРАФОН”

Я гляджу ў акно, а за акном дождж,
Намоклы праспэкт, намоклая плошча,
Кубак з малаком, думкі ў нябёсы,
Розныя кніжкі, аднолькавыя вёсны.
Мой сон, разбаўлены кубкам кавы,
Кумар, на кухні смачныя стравы.
Трава пажаўцела, жоўтым стаў асфальт,
Такі цуд на вуліцы. яго людзі вартыя.
Варта стаіць на посьце і ніколі ня сьпіць,
Беражэ спакой ціхі гатэляў-гасьцініц.
варта на кожным сэрцы, варта на вуснах,
Выканай заданьне не пісьмова, а вусна.
Выканай тое, што я прашу цябе заўсёды,
Выканай хоць раз, пляваць на правілы, на моду.
Самота тоне ў дыване восеньскага парку,
Я чую сьмех, я чую закаханых жарты.

Сьмейся разам са мной і жыві яскрава,
Карнавал схавае твары і занятыя лавы.
Тут пастаянны флірт, тут не бывае вольна,
Давай зьбяжым туды, дзе можна гутарыць спакойна.
Давай зьбяжым далей ад людзкіх вачэй,
Давай хутчэй, хутчэй і гавары цішэй.
Толькі галоўнае, ня трэба зямных турботаў,
На галоўнае няма лімітаў і ніякіх квотаў.
Вопратка, ежа, статус, сябры і ворагі,
Ня трэба пра гэта, мы не для гэтага створаны.
Сьпявай мне пра Вэнецыі вуліцы вечарам,
Сьпявай мне пра тое, што будзем жыць вечна мы.
Я падхаплю тваю песьню, рыфмы сябруюць з музыкай,
Будзь анёлам маім навекі, будзь маёй музаю.
Музыка лечыць, а лірыка кранае сэрца,
Лірыка натхняе, лірыка з душы ільецца.

R:
Сьветлым, сьветлым днём кава з малаком,
Сонца на пясок, зьнікаюць пары на парах кудысьці.
Гэта наш капрыз, белы мім за вуглом,
Алея парку спрачаецца адна з жоўтым лісьцем.
Ты ляці вышэй за гарызонт завей,
Туды, куды звычайна не даходзіць чалавек.
Вось ужо пад дажджом я стаю і мокну,
Хавай маё цяпло, да пралесак далёка.