Vinsent. Афіцыйны вэб-сайт

Вы не пасьпелі яшчэ дасканала разгледзець кліп “Працягваю жыць”, а ўжо скончаныя здымкі новага відэа. Кліп знаходзіцца на стадыі мантажу. А пакуль што ў вас ёсьць мажлівасьць назваць песьню, якая атрымала сваё відэаўвасабленьне. Робім стаўкі, спадарства!

Сябры, вы маеце мажлівасьць задаць сваё пытаньне Vinsent’у. Музыка будзе адказваць на пытаньні кожныя два тыдні ў выглядзе відэаінтэрвію. Запісы будуць выкладвацца на афіцыйным сайце выканаўцы www.vinsent.org Калі ласка, пакідайце свае пытаньні ў камэнтарах да запісу ці дасылайце на паштовую скрыню vinsentmusic@gmail.com

Vinsent: “Шчыра кажучы, калі ехаў у Рэчыцу, ня ведаў, чаго чакаць ад гэтага гораду, бо ніколі там не бываў, не ўяўляў, якая там сытуацыя ігд… Таму ўдвая прыемна, што ўсё атрымалася крута. Нас с DJ Maltak гасьцінна сустракалі. Публіка крутая. Уразіла, што было шмат школьнікаў. Гэта файна, што маладая генерацыя ідзе слухаць сэнсавую музыку. Асобны дзякуй арганізатару. Усё было на ўзроўні. Дарэчы, мяне часта пытаюць людзі, калі я прыеду ў іх горад. Падкрэсьліваю: гэта не ад мяне залежыць, канцэрты робяць арганізатары. І ўвогуле, гэта не так складана, арганізаваць канцэрт у сваім горадзе. Калі ёсьць жаданьне больш падрабязна даведацца, як арганізаваць канцэрт, лістуйце на нашую паштовую скрыню. “

17 кастрычніка адбудзецца канцэрт Vinsent’а ў горадзе Рэчыца Гомельскай вобласьці. Даведкі па тэлефоне 8-029-550-62-56

Конкурс на лепшы прынт па тэме “Цішоткі вольных беларусаў” распачаўся! Vinsent стаў чальцом журы гэтага мерапрыемства. САЙТ АКЦЫІ