Vinsent. Афіцыйны вэб-сайт

Фота: Юра Сідун, Tarantino

Справаздачы і фотарэпартажы з канцэрту 7 мая:

Тузін Гітоў

Будзьма беларусамі!

Generation.by

Еўрарадыё

Сябры! Заўтра ў клубе “Рэактар” Vinsent з вялікім канцэртам! Квіткі можна будзе купіць у касе на ўваходзе па кошце 20 тыс. бел. рублёў. Эпіцэнтр падзеі: клуб “Рэактар” (вул. Веры Харужай, 29), пачатак 19:00 (можна трохі спазніцца). Мы вас чакаем!

28 красавіка Vinsent стане госьцем перадачы “Ток-шоў” на радыё “Аплюс Хіп-хоп”. Вы можаце задаць сваё пытаньне Vinsent’у праз САЙТ “АПЛЮС ХІП-ХОП”. Слухайце жывы этэр у сераду 28 красавіка, пачатак 22:00! Падчас перадачы будуць разыграныя два запрашальныя квіткі на вялікі канцэрт Vinsent’а 7 мая ў клюбе “Рэактар”. Не прапусьці!

22 красавіка ў Менску прайшоў “Добры фэст”! Беларускія музыкі аб’ядналіся, каб падтрымаць дзяцей-інвалідаў. Сродкі, атрыманыя з канцэрту, пойдуць на патрэбы Чэрвеньскага і Гарадзішчанскага дамоў-інтэрнатаў. На фэсьце выступілі гурты Neuro Dubel, :B:N:, IQ48, “Палац”, ZM99. Лідэр беларускамоўнай рэп-сцэны Vinsent на пару з Інай Кашырынай стаў вядучым фэсту. Таксама Vinsent выканаў сумесную песьню з гуртом :B:N:.

Vinsent: “Мне вельмі спадабаўся гэты фэст. Людзі вельмі шмат кажуць пра тое, якія яны добрыя. На жаль, мала хто даказвае гэта сапраўднымі справамі. Я ганаруся беларускімі музыкамі, якія прынялі ўдзел у “Добрым фэсьце”. Яны паказалі на справе, як можна зрабіць жыцьцё трошкі лепей для кагосьці, у дадзеным выпадку, для дзяцей з дамоў-інтэрнатаў.”

ГЛЯДЗЕЦЬ ФОТА І ВІДЭА З “ДОБРАГА ФЭСТУ”

Грамадска-культурніцкая кампанія “Будзьма беларусамі” і крама хіп-хоп вопраткі “Freestyle” прадстаўляюць:

7 мая ў менскім клубе “Рэактар” адбудзецца вялікі канцэрт беларускага рэпера Vinsent’а. У гэты дзень артыст выканае свае лепшыя песні. Таксама ў шоў-праграме прадугледжана прэзентацыя цалкам новых трэкаў!
Альбом Vinsent “Пачатак”, што выйшаў у 2009 годзе, стаў сапраўдным адкрыццём у беларускай рэп-музыцы. Насамрэч, Vinsent мае свой непаўторны стыль, што адрознівае яго ад іншых рэп-выканаўцаў. Магутная падача, гульня слоў, выдатныя лірычныя і сацыяльныя тэксты не пакідаюць слухачоў абыякавымі.
Кліп Vinsent “Восеньскі вальс” быў прызнаны лепшым у 2009 годзе па версіі прэмій “Кліп-марафон” і “Street awards”. Відэа патрапіла ў ратацыю ўсіх беларускіх музычных каналаў. Дарэчы, на вялікім канцэрце 7 мая будзе здымацца канцэртны кліп. Кожны, хто прыйдзе ў “Рэактар”, мае мажлівасць трапіць на новае відэа Vinsent’а.
Энэргетыка Vinsent’а на жывых выступах узрушвае слухачоў на сто адстоткаў. Гэта было не аднойчы заўважана падчас канцэртаў у сталіцы і рэгіёнах Беларусі. Такім чынам, лідэр беларускамоўнай рэп-сцэны Vinsent 7 мая ў менскім клубе “Рэактар” з вялікім канцэртам будзе цешыць сэрцы публікі.

У канцэрце таксама возьмуць удзел гурты Lunclan, PANaNieba і выканаўца Вожык. Прадстаўнікі рэп-фармацыі M.U.Skool гурт Lunclan прэзентуе слухачам свае новыя песні. Знойдзецца месца і даўно вядомым трэкам. Гурт PANaNieba прадставіць некалькі песень з новага альбому “На балоце”, што мае выйсці ўвосень 2010 году. Вожык выступіць з трэкамі альбому “У віры падзей”, які рыхтуецца да выдання. У тым ліку слухачы маюць мажлівасць пачуць куплеты трэку “Амерыка скрозь”, што быў запісаны пры ўдзеле амерыканскага рэпера Popa Chief, прадстаўніка сусветнавядомай WU-TANG CLAN FAM.

Такім чынам, канцэрт пройдзе ў фармаце фэсту беларускамоўнай рэп-музыкі. Не прапусьці!

Кошт квіткоў:
15 000 (папярэдне)
20 000 (у дзень мерапрыемства)
25 000 (месца за столікам)

Продаж квіткоў:
ГЦ “Купалаўскі” (павільён №19) - пад Кастрычніцкай плошчай,
ГЦ “Рыга” (павільён №18) - вул. Сурганава, 50,
пераход ст. м. Якуба Коласа,
каса клубу “Рэактар” (вул. Веры Харужай, 29).

Фотаздымкі зробленыя падчас фэсту “Гукі вясны”, што адбыўся 20 сакавіка ў Берасьці.

Vinsent сустрэў вясну разам з Generation.by.  У праекце таксама прынялі ўдзел The Toobes, IQ48, Руся (Akana-NHS), іншыя вядомыя асобы. Глядзець ПраВакацыі на Generation.by

Кліп “Восеньскі вальс” знаходзіцца ў ратацыі MTV, БелМузТБ, Першага музычнага каналу (ВТБ). Каб замовіць кліп на Першым музычным канале, трэба даслаць смс з тэкстам 7861 на нумар 1771 (кліп трансьлюецца ў Менску), на нумар 2771 (кліп трансьлюецца ў астатніх гарадах і мястэчках). Каб замовіць кліп з гарадзкога тэлефону, трэба патэлефанаваць на нумар 166 і назваць код кліпу Vinsent “Восеньскі вальс” (7861). Прыемнага прагляду!